ရန်ကုန် သာကေတမြို့နယ်မှာ ရာအိမ်မှူးတစ်ဦး ပစ်ခတ်ခံရ ဒီကနေ့တစ်ရက်ထဲ ရန်ကုန်မှာ အုပ်ချုပ်ရေးအဖွဲ့ဝင်(၃) ဦးပစ်ခတ်ခံရ

ရန်ကုန်တိုင်း၊ သာကေတမြို့နယ်၊ (၇)အရှေ့ရပ်ကွက်၊ အောင်သပြေလမ်းနှင့် ဓမ္မာရုံလမ်းထောင့်မှာ ဒီကနေ့ည (၇:၄၀)ဝန်းကျင်အချိန်ခန့်က ရာအိမ်မှူးတစ်ဦး ပစ်ခတ်ခံရတယ်လို့ ဒေသအခြေစိုက် Tharkayta News ကဖော်ပြထားပါတယ်။

အဆိုပါပစ်ခတ်ခံရသူဟာ ကြံ့ခိုင်ရေးပါတီဝင်တစ်ဦးဖြစ်သလို ရာအိမ်မှူး အောင်ကြီး ဆိုသူဖြစ်ပြီး ဆုတောင်းပြည့်ဘုရားအနီးမှာ ပစ်ခတ်ခံရတာဖြစ်တယ်လို့ ဒေသခံတွေဆီကသိရပါတယ်။

ပစ်ခတ်ခံရမှုကြောင့် အခြေအနေမသိရှိရသေးသော်လည်း စစ်ကောင်စီတပ်များရောက်ရှိလာပြီး လူနာတင်ကားနဲ့ ဆေးရုံကိုပို့ဆောင်လိုက်ကြောင်းသိရှိရပါသည်။

ဒါပြင် ဒီကနေ့ နံနက်အစောပိုင်းကလည်း ရန်ကုန် တောင်ဒဂုံမြို့နယ်နှင့် လှိုင်သာယာမြို့နယ်တို့တွင်လည်း အုပ်ချုပ်ရေးအဖွဲ့ဝင် (၂)ဦး ပစ်ခတ်ခံခဲ့ရပါသည်။

အမှီအခိုကင်းသည့် သတင်းသမားများဖြစ်သည့်အတွက် အများပြည်သူတို့၏အကူအညီလိုအပ်ပါသည်။ အကူအညီပေးလိုပါက ဤစာကိုနှိပ်၍ အကူအညီပေးနိုင်ပါသည်။

ဇွန်လ ၉ ရက် ၊ ၂၀၂၂

#သာကေတ

#ရာအိမ်မှူးပစ်ခတ်ခံရ

#HTY_Information