လှိုင်သာယာမြို့နယ်တွင်း တစ်ညထဲ မိသားစု (၃)စု ထိဖမ်းဆီးခံရပြီး နေအိမ်တွေပါ ချိတ်ပိတ်ခံထားရ

ရန်ကုန်တိုင်း၊ လှိုင်သာယာမြို့နယ်အတွင်း ယမန်နေ့ ဇွန်လ (၁၄)ရက် ည (၁၂:၀၀)ဝန်းကျင်အချိန်မှစပြီး တစ်ညထဲ မိသားစု (၃)စုထိဖမ်းဆီးခံရကာ နေအိမ်တွေပါ ချိတ်ပိတ်သွားကြတယ်လို့ ဒေသခံများထံမှသိရပါတယ်။

ဖမ်းဆီးခံရသူတွေဟာ ဘာကြောင့်ဖမ်းဆီးခံရတယ်ဆိုတာနဲ့ မိသားစုဝင်တွေပါဘာအတွက်ဖမ်းဆီးသွားတယ်ဆိုတာကို မသိရှိကြရသလို ဘယ်ကိုဖမ်းဆီးခေါ်ဆောင် သွားတယ်ပါ ယခုထိမသိရသေးဘူးလို့ ဆိုပါတယ်။

အဆိုပါဖမ်းဆီးခံလိုက်ရတဲ့နေအိမ်တွေအား စစ်ကောင်စီတပ်တွေက ချိတ်ပိတ်လိုက်ကြပြီး စစ်ကောင်စီဘက်က ဖမ်းဆီးမှုနဲ့ပတ်သက်၍သတင်းထုတ်ပြန်ထားတာမျိုးကိုလည်း မတွေ့ရှိရသေးပါဘူး။

အမှီအခိုကင်းသည့် သတင်းသမားများဖြစ်သည့်အတွက် အများပြည်သူတို့၏အကူအညီလိုအပ်ပါသည်။ အကူအညီပေးလိုပါက ဤစာကိုနှိပ်၍ အကူအညီပေးနိုင်ပါသည်။

ဇွန်လ ၁၅ ရက်၊ ၂၀၂၂

#လှိုင်သာယာ

#မိသားစု၃စုဖမ်းဆီးခံရ

#HTY_Information