ဘားအံ တကောင်ဘိုးတိုက်ပွဲ KNU တပ်မဟာ(၁)နှင့် စစ်ကောင်စီတပ်တို့တိုက်ပွဲဖြစ်ပွားရာ စစ်ကောင်စီတပ်ဖွဲ့ဘက်မှ ၃ ဦးသေ ၂ဦးဒဏ်ရာရ

ကရင်အမျိုးသားအစည်းအရုံး (KNU) တပ်မဟာ (၁)နှင့် အာဏာသိမ်းစစ်ကောင်စီ ခမရ (၂၀၈)တပ်တို့တိုက်ပွဲဖြစ်ပွားရာ စစ်ကောင်စီတပ်ဖွဲ့ဘက်မှ သုံးဦးသေဆုံး၍ နှစ်ဦး ဒဏ်ရာရရှိကြောင်း KNU က ယနေ့သတင်းထုတ်ပြန်သည်။

သထုံခရိုင်၊ ဘားအံ မြို့နယ်၊ တကောင်ဘိုးကျေးရွာအုပ်စု၊ မီးပုံးကျေးရွာအနီးတွင် ဒီကနေ့ နံနက် ၇ နာရီခွဲခန့်က KNLA တပ်ရင်း(၁)နှင့် အကြမ်းဖက်စစ်အုပ်စု လက်အောက်ခံ (ခမရ ၂၀၈)တပ်တို့ ၁၅မိနစ်ကြာတိုက်ပွဲ ဖြစ်ပွားခဲ့​ခြင်းဖြစ်သည်။

ယင်းတိုက်ပွဲတွင် စစ်ကောင်စီဘက်မှ သုံးဦးသေဆုံး၍ နှစ်ဦးဒဏ်ရာရရှိကြောင်း သိရပြီး ဒဏ်ရာရစစ်သည်များကို ရွှေးဂွန်းဘက်သို့ပြန်လည် သယ်ဆောင်သွားခဲ့ကြောင်းသိရသည်။ ကရင်အမျိုးသား လွတ်မြောက်ရေး တပ်မတော် (KNLA)ဘက်မှ ထိခိုက် ကျဆုံးမှုမရှိကြောင်း ဘားအံမြို့နယ် သတင်းနှင့်ပြန်ကြားရေး ဌာနခွဲမှ သတင်းပေးပို့သည်ဟု KNU ကထုတ်ပြန်ထားပါသည်။

အမှီအခိုကင်းသည့် သတင်းသမားများဖြစ်သည့်အတွက် အများပြည်သူတို့၏အကူအညီလိုအပ်ပါသည်။ အကူအညီပေးလိုပါက ဤစာကိုနှိပ်၍ အကူအညီပေးနိုင်ပါသည်။

ဩဂုတ်လ ၂၉ရက်၊ ၂၀၂၁

#KNU

#တိုက်ပွဲ

#HTY_Information